UmKhandlu wamaGama wamaJamo-Bumbeko weNarha yeSewula Afrika sikhungo esahlonywa ngokomThetho wePalamende (umThetho oyinomboro 118 ka 1998) begodu sakhethwa nguNgqongqotjhe wezobuKghwari, amaSiko, iSayensi neTheknoloji.
Ngimaphi amalunga akha lomKhandlu
Umjameli munye ovela eprovinsini ngayinye;
Abajameli bePosofisi, babaTlhami-Mikhawulo neeMebhe, kunye nabeBhodo yamaLimi woKe weSewula Afrika.
Kuba yini lomKhandlu utlhogeka
Ukwenza isiqiniseko sokobana ngendlela okungakghoneka ngayo, indawo yinye iba negama linye begodu litloleke ngendlela efanako;
Ukwenza isiqiniseko sokobana abantu bazibona bathintene nomlando, isiko, ilifa kunye namatjhejo wezokuhlalisana nezomnotho emagameni.
Uyini umsebenzi womKhandlu
Ukwemukela, ukuphenya kunye nokuphakamisa amagama wamajamo-bumbeko ahlongoziweko kunye namatjhuguluko avela ku-PGNC nezinye iinqhema, emagameni avele akhona gadesi, bona emukelwe nguNgqongqotjhe.
Ukuthintana :
Ukubuthelela kunye nokugadangisa amarhelo wamagama emukelweko ngokomthetho.
Ngimaphi amalunga akha amaKomiti wamaProvinsi wamaGama wamaJamo-Bumbeko weNarha (PGNCs)
Amanye amalunga akhethwe nguSomkhandlu, isib: izazi zamalimi, zamagama weendawo kunye nezeemebhe, abajameli bombuso kamasipala, iNdlu yabaRholi beNdabuko, bekoro yezokuvakatjha, njll.
Ukuthintana nabaphathi bomphakathi bendawo kunye nabanye abanesabelo kilokhu.
Ukufundisa umphakathi ngekambiso yokuthiya amajamo-bumbeko wenarha.
Siwaphakamisa njani amagama
Igadango 1 Khetha igama.
Igadango 2 Thintana nabantu abazakuthinteka khulu ngokuthiywa kwegamelo.
Igadango 3 Fikelela esivumelwaneni nabo.
Igadango 5 Thola loke ilemuko elitlhogekako ekuzaliseni iforomo lelo, isib: umsuka kunye nehlathululo yegama, kunye negama elinye elingathathwa (lesibili).
Kwenzekani ngeforomelo lesibawo
UmKhandlu wamaGama wamaJamo-Bumbeko weNarha yeSewula Afrika (SAGNC) nawo uhlola godu igamelo, befuthi unamandla wokulibuyisela emuva nanyana ungalithumela ezazini bona kheliyokuqalisiswa.
Igama elemukelweko ligadangiswa eGurandeni lakaRhulumende.
Imithethokambiso
Ngokujayelekile, lamagama wamajamo-bumbeko alandelako afanele bona abalekelwe:
Amagama athukanako ngokwekolo, afakelana iinhloni, anokudelela, ayihlamba nanyana angasimahle;
Amagama abandlululako nanyana athukanako ngokobutjhaba, kwebala, ikolo, ubulili, ubulunga behlangano yezepolitiki nanyana amanye amajamo kwezehlaliswano;
Amagama angathathwa njengawokukhangisela imikhiqizo, umsebenzi nanyana ihlangano ethileko.
Ukuthiyelelwa kweendawo ngabantu
Amagama wabantu abaphilako afanele bona ngokujayelekileko, abalekelwe.
Iindawo ezithiyelelwe ngabantu zifanele bona zikhambisane nesithunzi salabo bantu ezithiyelelwe ngabo (kungabi, isibonelo, nobujamo lapho indawo engaziwako ithiyelelwa ngomuntu oqakatheke inarha yoke).
Lapho kukghonakala khona, ivumo etloliweko ifanele bona itholakale emuntwini nanyana emndenini womuntu kunye neendlalifeni zakhe ngaphambi kobana igama lomuntu loyo lingasetjenziswa.
Imininingwana yokuthintana
Umtato: 337-8155
Ifeksi: 321-7681
